Практикалық психологияда және коучингте сауал қоя білу әңгімелесу барысында зор рөл атқарады. Жалпы жабық сауалдан гөрі ашық сауалдарды пайдалану жақсы нәтижеге жеткізеді.

а) Жабық сауалға «иә», «жоқ» немесе басқа бір сөзден тұратын деген жауап қайтарылады.

ә) Ашық сауалдарға: қалай?, қалайша?, қашан?, қандай?, қай жерде?, неге?, неліктен?, не үшін?, қанша? және т.б. сұрақ сөздері жатады.

б) Бағыттаушы: мүмкін, бәлкім…

в) Қайтымды сауал: «Мен Сізді дұрыс түсінсем»

г) Қарапайым: Сіздің мүмкіндігіңіз бар ма?

д) Риторикалық (шешендік) сауалдар: Егер адамдар барлығына риза болса, онда өзгеріс іздей бастамай ма?

ж) Жасырын сауал: Мұны Сіздің қалай қолдануды қалайтындығыңыз маған қызықты.

з) Жалған таңдау: Сіз бұл білгенді бірден немесе біртіндеп пайдалана бастайсыз ба?

Менің бір аңғарғаным: қазақ билерінің және шешендерінің сөздерінде мол қазына жатыр. Оны қазіргі заман талабына лайықтап қолдану мүмкіндігі шексіз.        

Басқаларды білмеймін, жалпы қазақтар “пси” деген жалғауы бар сөздерден қашатын сияқты. Мәселен психиатрға, психотерапевтке немесе психологқа ынталана барып жүрген адамдар некен-саяқ. Мұның себебінің бірі егер оларға барсам, демек мені есі ауысқан, не жынды деп санайды деген ой болса керек.